انصار: ( د لیندی ۲مه)، د طالبانو حکومت د مهاجرینو او راستنیدونکو چارو وزارت وایي، چې د دغه وزارت له خوا د "چادر" موسسې په همکارۍ په پکتیکا ولایت کې له څه باندې زرو بې ځایه شویو او بې وزلو کورنیو سره نغدي مرستې وویشل شوې.
د مهاجرینو او راستنیدونکو چارو وزارت مطبوعاتي دفتر د پکتیکا ولایت له بې ځایه شویو او بې وزلو کورنیو سره د نغدي مرستو د ویش خبر ورکړی دی.
دغه وزارت وايي، د پکتيکا ولايت په مرکز ښرنه او د خوشامند، جاني خېلو، يحيى خېلو، زرغون شر او يوسف خېلو په ولسواليو کې د دغه وزارت له خوا د "چادر" موسسې په همکارۍ د يو زرو په شاوخوا کې او ۱۷ راستنېدونکو او بې ځایه شویو کورنیو او بې وزلو سره نغدي مرسته وشوه.
د دې خبرپاڼې له مخې، له ۶۰۰ کورنیو هر یو ته ۱۴۱۱۰ افغانۍ او ۴۱۷ کورنیو ته ۵۲۲۰ افغانۍ ورکړل شوې.
د يادونې وړ ده، چې له هغه وروسته چې ايران او پاکستان د کډوالو د ويستلو لړۍ پيل کړې، په زرګونو کورنۍ افغانستان ته راستانه شوي او بېړنيو مرستو ته اړتيا لري.
URL تعقيب: https://www.ansarpress.com/pashto/34491
سور صلیب: د افغانستان د اقتصادي سیستم د سقوط د مخنیوي هڅه کوو